Friday, March 10, 2017

संत सेवालाल आरती


भजन ७.
*संत सेवालाल आरती*

जे देव जे देव
बापू मोतीवाळा संत सेवाभाया
कळाधारी नीरंकारी बापू सेवालाल
जे देव जे देव
                          *!!२!!*
जे देव जे देव
संत सेवालाल तू मोतीरवाळो
तू धूणीर वाळो
गोरूरो गूरू छी बापू सेवालाल
जे देव जे देव
                          *!!जे देव!!*
सेवागडेम बापू जनम लीदो
गोरू सारू बापू धाम कीदो   *!!२!!*
गोर तोन गूरू मानेछ भाया
तारे गोरूपर रेदेस साया
जे देव जे देव
                          *!!जे देव!!*
भीमा नायेकेरो पीयारो छी बाळा
धरमणी याडीरो लाडेरो बाळा
गोर तोन गूरू मानेछ भाया
तारे गोरून दभेट दकाळ
जे देव जे देव
                          *!!जे देव!!*
याडी मरीयामारो पीयारो छी भकत़
भकत़ूर कसटेन सेवा कीदोची मूकत़
गोर तोन गूरू मानेछ भाया
तारे गोरूपर रेदेस साया
जे देव जे देव
                          *!!जे देव!!*
वीधीया तू देणू बूधी तू देणू
ज्ञनानेरो भंडार भाया तू देणू
अवजे कसटेन तू टाळ देणू
तारे गोरूपर रेदेस साया
जे देव जे देव
                          *!!जे देव!!*
वूध काडी करपूर दीवो लगाडू
घीये दूधेरो बापू भोग लगाडू
खाकेम पाक करदेणू भाया
तारे गोरूपर रेदेस साया
जे देव जे देव
                          *!!जे देव!!*
सूतेरे सपनेम रेणू मारो भाया
बेटेरे हरदेम रेणू मारो भाया
नान मोट तारे गोर गरीबूपर
नंघरी पर बापू रेदेस साया
जे देव जे देव
                          *!!जे देव!!*
जे देव जे देव
बापू मोतीवाळा संत सेवाभाया
कळाधारी नीरंकारी बापू सेवालाल
जे देव जे देव
              
*********&*********

No comments:

Post a Comment