वायार दनेपर म येक नानकीस कवीता लकरोछू,

जे सेवालाल🙏🏼

  चार वसरेस पयीलार दन आज मन हारद आवगी, आजेर दन हाम दोयी *धणी-गोण्णा* हूयेते.
हामार दोयीर वायार दनेपर म येक नानकीस कवीता लकरोछू,

मार बेटार वाया छ करन
मार बाप आन याडी
वायार तयारी कररेते!
हारदे आवगी मन वो दनेरी वात.!!

मार भायीर वाया छ करन
मारो मोटो भायी हूबे तडकेम
सेन वायान खबर केतो हींडरोतो!!
हारदे आवगी मन वो दनेरी वात!!

काका काकी, भायी भोजायी
भेन भेनोयी, मासा मासी
मार सारी कठमाळो हाटपटण कररेते!
हारदे आवगी मन वो दनेरी वात!!

5 तारीक 2013 रात मार तांगडी आयी
मार जीवन सातीती वोर सोबतणे गळो पकडन रोयी
पेली वणा मार गोण्णी ढावलो करन रोयी!
हारदे आवगी मन वो दनेरी वात!!

दाडे नीकळेर दोपेर 12:45 वासता
वू वोर याडीबापेन, सखी-सोबतणेन छोडन
सात जनमेर सपनो देकती वू मार गोणी वेगी!
हारदे आवगी मन वो दनेरी वात!!

घरेर मूंडाग मंडप भंदोतो
दूरे कनेर से पामण आवगे
हामार दोयीर वूपर चावळ नाके!
हारदे आवगी मन वो दनेरी वात!!

हामार वाया छ करन
न नाचे वाळ भी नाचरेते
आज से हामार सोबत खूसीती फटू कडायतेे!
हारदे आवगी मन वो दनेरी वात!!

हाम दोयी धणी गोण्णा
हामार याडीबापेन नवंण कररेते
हामेन दोयीन आसीरवाद दीने!
हारदे आवगी मन वो दनेरी वात!!

*आजी तो घणो लकेरो छ भीयावो, पण आब आतराज बस, येमायी तमेन जो हारद आवं हारदे करन आणंद लो*🙏🏼

धन्यवाद.
रविराज सुभाष पवार
शामपुरहळ्ळि तांडो, ता.चित्तापुर
जी. गुलबर्गा, कर्नाटक.
8976305533